SOJOJIN RUWAN NIGERIA SUN KAMA MASU FASA BUTUTUN MAI SU 40 A DELTA

SOJOJIN RUWAN NIGERIA SUN KAMA MASU FASA BUTUTUN MAI SU 40 A DELTA

Rundunar sojin Nigeria, tace dakarunta sun tsaurara tsaro a hanyoyin ruwan kasar domin dakile ayyukan fasa kauri da satar mai da fasa bututu da fashi da makamai.

Sanarwar hakan ta fito ne daga Kakakin rundunar, Christian O. Ezekobe a yau Talata, inda yace wannan mataki umurni ne daga shugaban hafsan sojin ruwa Vice Admiral Ibok-Ete Ibas,

Yace kawo yanzu dakarun rundunar sun samu nasarar ganowa tare da lalata matatun mai na bogi a kauyen Lolomu da Tagola dake karamar hukumar Warri ta Kudu a jihar Delta.

Kazalika rundunar ta samu nasarar kama wasu mutane 40 masu haramtacciyar sana'ar fasa bututun mai a yankuna daban daban dake jihar da kuma wasu kayayyaki da suka hada da injinan fasa bututu da haramtattun mai.